مشاكل وآلام الكتف

لو انت او انتي بتعاني من ألم في الكتف شوف الكلام دا للأخر🤝 ايا كانت المشكله اللي في الكتف ناخد بالنا من الكام نقطه دول هقول النصايح وفي النهايه الشرح 🦴 1-بلاش خالص تنام علي الكتف اللي بيوجعك هتقول مش متعود هقولك هتاخد كام يوم وتتعود وبلاش نوم علي البطن الوضع السليم انك تنام علي ضهرك او الجنب السليم ،بلاش تقول لا انا لازم انام علي الجنب اليمين الاول ظبط حياتك بأي وضع عشان متنامش علي الجنب الموجوع ٢-قلل الحركات اللي بترفع فيها دراعك لفوق لو انتي هتحطي اطباق في المطبقيه هاتي كرسي واطلعي عليه او حد يساعدك..ممنوع اي حركه فيها رفعه الزراع الا بتنبيهات المعالج الطبيعي بتاعك ٣-قللي خالص من المهام المتكرره جزئي الشغل علي مدار اليوم وخدي راحه بين كل فترة ٤-بلاش تشيل أي حاجه وزنها غير مناسب للمرحله اللي انت فيها او حتي لو ركبت عربيه فيها باب جرار وحظك جنب الباب واضطريت تشده عشان تقفله دا هيزود الوجع ---------- معظم مشاكل الكتف الأكثر انتشارا هي التهابات بأوتار الكتف او اختناق في أوتار الكتف او قطع جزئي في أوتار الكتف🦾 الأسباب الأكثر شيوعا: 🎯الإستهلاك الزائد لمفصل الكتف والزراع واللي منتشر في ستات البيوت اللي بتغسل مواعين وبتعصر وتمسح وتكرر نفس الحركه كتيرر يوميا 🎯استخدام الكمبيوتر لفترات طويله مع القعده بوضع غلط 🤔اعرف ازاي اني عندي مشكله ولازم اكشف واتابع مع دكتور عظام وعلاج طبيعي!؟ لو فيه ألم في الكتف مع رفعة الدراع بتكون مولمه وبيتطور الأمر انك مش عارف تمارس الانشطه اليوميه كالعاده مبتعرفش تلبس لوحدك مبتعرفش ترفع ايدك وتسرح شعرك لدرجة مبتعرفش توصل لضهرك من ورا عشان تهرش فيه مثلا __________اعمل ايه عشان اتعالج والألم يقل؟🤔 هتكشف عند دكتور عظام وتتشخص صح ونبدأ علاج طبيعي مع العلاج الدوائي في العلاج الطبيعي هنستخدم معاك اجهزه تقلل الألم والإلتهابات وتمارين علاجيه لتحسين حركة المفصل وزيادة المدي الحركي في الغالب معظم الإصابات بتتحسن بنسبة ٣٠ ل٤٠% في اول ٦ جلسات لو مفيش اي بوادر للتحسن نرجع نشوف التشخيص تاني ونتواصل مع الجراح للإستشارة المجانيه يرجي التواصل خاص #علاج_طبيعي #أوتار_الكتف